藝人李家鼎（鼎爺）位於灣仔的私房菜舉行喬遷之喜，他偕兒子泳豪一同主持新店開幕，泳豪女友Agnes亦有在場打點。鼎爺表示希望每晚都在店內坐鎮，經常拍完節目《教煮爭霸》就趕來。對於曹永廉做下把位經常捱鬧，他說：「好陰功，順得哥情失嫂意，不過我冇鬧佢，都係綽頭啫！同三姐各施各法，公司想我哋比較，但我有我做，佢做我又唔會加把口，玩吓啫，唔係仇人。」
提到他在節目《代溝關注組》直話直說，被女藝人寸他Out，他嬲爆表示：「佢話上晝相識夜晚洞房，我同肥媽O晒嘴，佢好寸，好招積，寸我out，話我有女唔識食。」他即場送對方金句：「發育好，失身早，糊裏糊塗做老母。」批評女藝人亂搞男女關係，好易「中槍」。
問到節目後對方有否道歉，他說：「道咩歉！佢死口死面以為讀邊間大學，讀幾年雞腸就好叻，掃地嗰個？」泳豪表示與爸爸全無代溝，鼎爺就教仔不要做「牙籤大少」、「日本筷子」食完即棄，要負責任。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
