2021年9月11日星期六

41歲歐倩怡騷結實腹肌分享8個減肚腩貼士 #歐倩怡

41歲歐倩怡騷結實腹肌分享8個減肚腩貼士

歐倩怡騷腹肌，好勁呀！

靚媽歐倩怡（Cindy）早前完成食物及營養學榮譽理學士課程後，再攻讀碩士課程，希望能成為一名註冊運動營養師。Cindy勤力讀書之餘，亦好注意健康，經常在社交網分享keep fit心得，及「有營」生活。

Cindy昨日在IG騷結實腹肌，穿上兩件頭泳衣，雖然款式有點保守似大媽，她自嘲：「我呢套新泳衣一着出嚟就俾人笑我似⋯⋯大家估吓似乜？」不過，她天生童顏樣，怎樣看也不似41歲。

Cindy還分享了8個減肚腩小貼士，叫大家一齊加油：

1. 去便便有困難，好容易形成肚腩，建議多飲水，多吃蔬菜水果，可以食益生菌去調整腸道健康及set一個時間，每日都要空出來比自己去廁所。

2. 戒食高糖食物及飲品，如果唔係為咗運動訓練食高糖，真係好多轉晒做皮下脂肪㗎。

3. 做帶氧運動➕Abs training. 帶氧運動係消脂，而增加肌肉量可以幫助修型外，休息嘅時候仲繼續消脂。

4. 低GI (升糖指數)嘅碳水化合物係可以幫助控制體重嘅，再配合少食多餐，好快見效。

5. 建議餐後嗰1小時去散步，唔散步都唔好hea喺梳化唔郁，搵啲嘢做行下走動下。

6. 留意自己坐立姿勢，要常常稍作挺胸收腹。

7. 增加肌肉量。

8. 選擇糙米、黑米飯、意粉、粉絲及穀麥類，少吃白飯白麵包。