李綺雯獲健身教練男友求婚 旋轉木馬前情不自禁咀嘴
現年37歲李綺雯（𡃁妹）去年公開與健身教練梁愷傑（Ocean）拍拖，日前兩人一同投資開設的健身室還舉行開幕禮，𡃁妹「升呢」做老闆娘。喜事又點止一單咁少，Ocean昨晚在社交網宣佈求婚成功，實行雙囍臨門。
𡃁妹昨日跟Ocean去主題公園玩，不過原來男方早有預謀，Ocean在傍晚時份於旋轉木馬前面向李綺雯求婚，當然最終成功贏得美歸，兩人還在浪漫氣氛下咀嘴，而其中一張相更是由Ocean視覺出發；捉着𡃁妹戴上求婚鑽戒的相片，真係冧爆！而Ocean還留言：「She say Yes! 旋轉木馬前面成功俘虜公主嘅心，好好做我公主啦。」
𡃁妹接受《頭條娛樂》訪問，她開心地表示：「佢梗係有好多優點，份人好堅毅同捱得，好似佢參加健美比賽，我覺得一啲都唔易，要花大半年先增肥，之後收身，每日嘅休息及食量都要控制，但佢同時每日上堂教學生十幾個鐘。」不過她表示目前婚期仍未落實。Ocean是香港某運動品牌的簽約健身教練，他曾任張家輝、鄭秀文廣告運動動作指導，可見在行內有一定地位及份量。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
