秋風起又係食大閘蟹嘅時間，應屆港姐冠軍宋宛穎剛當選不久，已經成功混入歷屆港姐堆中，佢更應前港姐劉倩婷邀請出席大閘蟹宴。見宋宛穎以背心同牛仔褲上陣，爆發青春活力，完全冇咗比賽壓力嘅佢，狀態大勇，比參選時更靚！而2009年港姐冠軍劉倩婷以紅色連身裙現身，一身端莊高貴打扮，而席上仲有2006年港姐冠軍陳茵媺，佢着短裙仔，又紮起頭髮，充滿少女味！今次三屆港姐冠軍合體，認真難得，網友紛紛留言畀Like，大讚佢哋個個都咁靚女！
網晒蟹宴照嘅宋宛穎，留言感謝師姐劉倩婷外，話自己雖然唔係蟹迷，但對大閘蟹情有獨鍾外，又話非常享受今次蟹宴，唯一美中不足，係被蚊咬咗幾啖！而陳茵媺留言大讚宋宛穎係甜姐兒，由於大家都喺加拿大多倫多生活過，所以一講開多倫多，特別多話題。曾經講過細個睇選美時，對陳茵媺印象最深刻嘅宋宛穎，回覆對方留言時有讚冇彈，讚對方一樣甜美，仲好鬼陽光，成日笑容滿面。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
