藝人鄧佩儀早前被有關遭公司雪藏一事而喊，已經10個月冇開工嘅佢，開始要收復失地，佢先喺社交網發功，昨日（30日）連Post多張泳裝照，雖然只係一件頭泳衣，但勝在腰間開窿，再加上白滑長腿，都真係幾吸睛！不過後面嘅幾張相，就大殺風景，見佢身穿潛水衣做熱身，原來佢想玩「理想與現實」，佢留言話：「理想與現實。（上次反應熱烈）有近視的我常常看到別的女生的漂亮游泳照都會立刻想『為甚麼大家都有完美視力，頭髮也不用綁起游泳？」再一次完美演繹了理想與現實的巨大差距！
另一邊廂湯洛雯24歲細妹湯樂瑤（Cassandre）又係晒水着派福利，黑色一件頭泳衣將佢姣好身材表露無遺，睇到個個網民都心心眼，最勁嘅係有學識，Cassandre係港大法律系高材生，又睇得又係學霸，連家姐湯洛雯都比下去。
另外，樂宜都趁住天氣未係好凍時穿上性感Bra top搔首弄姿，佢一連試穿同款唔同色嘅Bra top，問網友邊個色靚？樂宜說：「喜歡哪個顏色？要溫柔還是狂野。」網友就話只要係佢着，乜色都靚
本文作轉載及備份之用 來源 source: http://hk.on.cc
|
鍾意就快D Share啦！
|
|
|
