藝人袁文傑出席無綫處境劇《愛·回家之開心速遞》宣傳，對於合作無間的陳煒爆喜訊，他表示要恭喜對方：「放開心情，就等同佢舊年恭喜我一樣，但我暫時未搵佢，反而早幾日有另一件事搵佢，有一位我哋前公司嘅幕後舊同事突然之間離開咗，想叫佢幫手寫啲字，因為我係治喪委員會成員，負責聯絡鮑起靜、歐錦棠等。」
袁文傑坦言近日心情複雜，3日內有兩位好朋友離世，但另邊廂又獲悉陳煒喜訊，更指離世的幕後同事於睡覺期間離世，令其一下子未能接受，問到事件會否令他更注意健康？袁文傑表示：「所以我啱啱做咗個身體檢查，醫生叫我注意吓個心臟，當刻我諗好多嘢，有時啲嘢真係唔知幾時嚟，所以盡做，睇開啲，太太都叫我放鬆啲。（生小朋友？）如果有咁嘅打算會話畀大家知。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
