無綫花旦陳煒尋晚（21號）獲拍拖3年嘅醫生男友陳國強求婚成功，送上最驚喜嘅生日禮物。呢個「驚喜求婚大作戰」，陳國強早已悉心安排，邀請陳煒一眾圈中好友出席，包括藝人朱晨麗、岑麗香、時裝設計師何國鉦（Dorian）等，見證重要時刻。
陳國強除咗出動99支玫瑰花及3卡求婚鑽戒，單膝下跪向女友求婚外，仲訂造巨型鑽戒蛋糕，氹到壽星女兼準新娘笑到四萬咁口！「準陳太」急不及待喺社交網留言報喜：「感恩有你。」而準新郎亦晒出與陳煒頭貼頭合照，隔空冧爆回覆：「是我要多謝你才真。」Sweet到呢！
朱晨麗上載與陳煒合照，大爆早已「看透」世事，留言謂：「好大粒鑽石呀，我最親愛的閨蜜 @alicechanwai 我話你好快就會嫁㗎啦，See！激動到掛住喊嘅我，都冇好好地正正式式咁對你講恭喜說話，現在補番！祝你生日快樂，身體健康、祝福你哋白頭偕老，永結同心。」而Dorian亦晒派對相祝賀好友覓得第二春。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
