藝人蔡潔今日（28日）出席無綫劇集《拳王》宣傳活動，她透露在劇中跟朱敏瀚及張振朗有段離奇感情線，她笑言：「泰拳入面有個術語係格食格，我哋3個嘅關係就係咁，戲內講我哋嘅感情好深厚，戲外佢哋好老友好相愛，我係第一次拍無綫劇，要插足佢哋有難度，不過佢哋好好，好肯同我溝通又帶我去熟悉環境。」
蔡潔憑此劇有份提名台慶頒獎禮的最佳女配角、最受歡迎電視女角色及最受歡迎電視拍檔，問到有否信心獲獎時？她坦言對最佳劇集有信心，但對自己沒有信心，她說：「我第一次參與無綫劇，有得提名已經好開心。」她的生日撞正頒獎禮，若能獲獎豈非最佳生日禮物，她笑謂：「我會着得靚靚去紅地氈，同大家切個餅就好開心，最想劇集同其他兄弟姊妹獲獎。（睇好邊個？）睇好張振朗、黎耀祥同姚子羚，不過我私心想振朗攞獎，因為佢好努力，我聽佢講佢拍完上一套劇收到消息有可能拍呢套，佢提早年幾去操肌，好有誠意，為咗保持身材，佢哋拍到半夜收工仲要去健身，真係好癲，被佢呢個精神打動，所以睇好佢攞視帝！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
