2021年11月28日星期日

郭晉安激罕晒與歐倩怡撐枱腳合照加愛神之箭放閃 #歐倩怡 #郭晉安

郭晉安激罕晒與歐倩怡撐枱腳合照加愛神之箭放閃

郭晉安和歐倩怡結婚15年。

郭晉安同歐倩怡（Cindy）育有一子一女，結婚15年依然恩愛，堪稱娛樂圈模範夫婦。不過，安仔一向將家庭事低調，好少喺社交網上載子女相片，亦甚少同太太合照；但噚日就激罕喺IG Story貼上兩公婆撐枱腳相片。安仔仲花心思，加上心心特效，不停放愛神之箭射落老婆身上，投放強力閃光彈，閃到爆！

安仔雖然係緋聞絕緣體，但兩夫妻都唔係無風無浪，佢曾在訪問中透露因為拍劇搞到情緒低落，一時間抽離唔到搞到有啲抑鬱，令兩夫妻冷戰咗半年，幾近離婚邊緣；再加上因子女學業問題有分歧，好彩囝囝轉校後，大家關係亦有好轉。而近年Cindy除繼續進修讀營養學碩士，仲復出幕前演出，唔使剩係做「煮飯婆」，更能拉近夫妻間距離，難怪會愈來愈恩愛。