內地影帝黃曉明為新片《最後的真相》擔任監製兼主演，幾咁威威，最近新片電影上載拍攝現場花絮，當中就見到黃曉明為咗呈現劇情，早前佢同新人女星王影璐拍攝被摑 ...
內地影帝黃曉明為新片《最後的真相》擔任監製兼主演，幾咁威威，最近新片電影上載拍攝現場花絮，當中就見到黃曉明為咗呈現劇情，早前佢同新人女星王影璐拍攝被摑戲份，主動要求王影璐唔好有負擔，一定要真摑，對方亦好努力咁對空氣練掌摑動作。
點知正式埋位連拍幾次後，黃曉明被摑到出現耳鳴，嚇到王影璐一Cut機就跑去同黃曉明連聲抱歉，黃曉明亦立刻摸對方頭安慰：「沒事，好得很！只要戲演好了，其他都不重要。」即被網友大讚佢敬業樂業，對住新人仲好有耐性，係演員嘅典範。
