藝人譚俊彥今日（9日）帶領一眾男藝人包括周嘉洛、黃庭鋒、丁子朗、孔德賢、方紹聰、袁鎮業及前BOP天堂鳥成員葉泓聲和許俊豪等在電視城為《萬千星輝賀台慶》排練「手舞」，譚俊彥現場表現純熟，自認下了不少苦功，練足10日，因之前一路拍《男神廚房》冇時間同大家一齊練，兩日前排舞師再傳了練習片給他，在家找囡囡陪他一起練習，他說排舞師因花名叫「小三」，特別提醒他要同老婆報定案，以免惹誤會，他笑說：「我都有同老婆解釋『小三』係排舞老師，老婆都問咗句係仔定女先？我話男人嚟嘅，就化解咗，無啦啦多咗『小三』，係好大挑戰。」
他指跳舞一直是自己最大障礙，今次好難得有一段約20秒的solo手舞，好想做好一點，笑言是現場年紀最大一個，不過同後生仔一起好Enjoy，排得好開心，你說：「可能知我對腳唔使郁就搵我跳，如果要腳郁就唔敢搵我，最緊要跳得齊就好睇，（撈多瓣向跳舞發展？）同唱歌一樣，有機會想做好，請教嘉洛點跳，佢好鍾意跳，自己聽拍子節奏Ok，但姿勢要再幫我執。」他讚囡囡比他跳得好，因她有學芭蕾舞，但唔似女兒身體柔軟，對學多一種技能感開心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
