藝人林溥來（Patrick Sir）在昨晚（19日）台慶夜因未能在限時內現身，錯失了2萬5千港元大利是。原來他今次因太過有紳士風度，為《東張西望》拍檔朱凱婷（Heidi）去買水飲，結果趕不及領獎，名副其實見財化「水」。
Heidi接受東網訪問，對Patrick Sir大感不好意思：「當大家知道呢件事後，就笑我飲咗全城最貴嘅水，又計住每啖值幾多錢！我已經第一時間同Patrick Sir道歉，佢冇怪我。原本我都冇諗住要麻煩佢，但佢好貼心主動出手相助，話佢去買（水）就可以。」
當抽中Patrick Sir時，Heidi已第一時間致電通知：「佢叫我幫佢上台拎獎，但話明要見真身先得嘛。大會都拖咗好耐等佢返嚟，最終都係等唔切，我就同佢講如果抽中我嘅話，我願意同佢一人一半，可惜幸運之神冇眷顧我。」她又指返家後，老公已第一時間問Patrick Sir有沒有生氣：「老公提議我哋請佢食飯，我就同佢講請唔起佢食2萬5蚊嘅話，但2千5千蚊就一定得，問佢想食乜囉。」Heidi與Patrick Sir事後更拿着「全城最昂貴嘅水」合影，「自娛」一番，心情似乎未受影響。
事件經過
Patrick Sir講述事件經過：「我見Heidi口渴，又着住高踭鞋要行去便利店咁遠，我就幫佢去買支水，係我唔記得咗有抽獎呢回事，之後佢都勁講唔好意思，返到廠好多人問我去咗邊，Do姐（鄭裕玲）幫我拖時間，Liza姐（汪明荃）又鬧鬼我，其實Heidi都好慘，佢都唔開心。後來我返屋企睇番條片好好笑，個個幫我講嘢拖時間，最神奇係老婆一直睇個騷，播到嗰Part佢直覺覺得係我，就用手機拍，點知真係抽到我，手都震埋，點知等極都等唔到我出現，後來返到屋企畀佢笑，仲同個仔講冇咗買玩具錢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
