「初代星女郎」張敏係一代經典女神，息影多年嘅佢2017年宣布復出，忽然再次活躍幕前固然令粉絲開心，不過同時亦有傳佢遇上新歡導演男友「師兄梵」，依家仲驚傳佢原來已經嫁畀對方！一位內地網紅就上載咗一條以「娛樂圈張敏老公，正宗的，睡在一起的老公！」為題嘅短片，片中淨係見到一位長髮戴帽及戴眼鏡嘅中年男子，多次要求對住正在FaceTime緊嘅「老婆」出鏡，而位網紅就猛話女方係80後女神云云，暗示片中女子就係張敏，並稱中年男子為「梵哥」。
片中「老婆」不斷拒絕出鏡，指自己病咗又素顏，仲係着住睡衣，點知「梵哥」忽然將電話轉向鏡頭，只見「老婆」用手及被掩面，加上鏡頭抖動，未能睇清係咪「張敏」真面目。
其實張敏喺2017年Post過同師兄梵嘅合照，並寫道：「猴去雞來，敏兒同夫君給大家拜年，祝願所有的親朋安康幸福，吉祥如意，扎西德勒。」相中男子就同今次片段入面嘅中年男子似係同一人，因而被指已婚，惟張敏曾公開否認已嫁人。據知師兄梵比張敏年輕10年，係一位製作人兼導演，二人近年亦成日一齊旅遊。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
