早前喺TVB台慶劇《星空下的仁醫》中飾演麻醉科醫生嘅郭少芸，原來早已經喺大灣區置業，今年年初已經正式搬入順德新屋，不過一間又點會夠呢，睇好內地樓市嘅佢，近日又喺杭州置業，更拍片同大家分享佢嘅新居！
片中一入屋就係超闊落巨廳，擺放咗一個L形梳化同地氈，行多兩步就係大露台，望出去景觀亦一流，之後郭少芸再一一介紹辦公區、廚房、儲物室等等，布置簡約，以木色為主，廚房就清一色白色廚櫃，乾淨又光猛，仲放得落雙門雪櫃，佢仲逐一介紹自己喜歡嘅咖啡杯，展現出童真嘅笑容，非常親民！
近年郭少芸已經轉戰內地做帶貨賺人仔，有指佢喺一次商演時向主人家祝壽講一句生日快樂就有5萬人民幣（約6萬1千港元）落袋，佢介紹新屋辦公區時，就展示一疊疊帶貨資料，佢話事前做足工夫溫定書，另外佢又晒普通話課本，自學普通話，為賺人仔做足準備！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
