視帝陳展鵬最近有新劇《鐵拳英雄》推出，而佢都食住個勢在社交網開直播與粉絲互動，更全程以普通話對話，睇得出來想打入內地市場搵人仔，而視帝號召力果然驚人，呢場直播吸引了15萬人，而展鵬都好識做大派親筆簽名相。佢仲透露拍劇之餘都一直有練歌，最鍾意唱周杰倫同四大天王嘅歌，不過近排就挑戰馮允謙與MC（張天賦），仲話好期待有機會返內地表演給觀眾欣賞。
講到拍劇，陳展鵬就話仲有好多角色可以嘗試，仲希望多啲機會同唔同演員合作，唔一定係無綫演員，仲話希望可以同內地演員合作，帶畀觀眾新鮮感。此外陳展鵬更直言想參加內地綜藝節目《披荊斬棘的哥哥》：「他邀請我，我就過去啦，我肯定是哥哥了吧！」陳展鵬直播期間，更有工作人員送上蛋糕為佢慶生，他再次冧內地粉絲說：「我希望下年的生日可以到內地你們的地方，和你們一起慶祝。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
