前港姐劉穎鏇（Tiffany）備受無綫力捧，主演的《青春不要臉》及有份演出嘅《鐵拳英雄》更將同期播出，霸佔兩線劇集，曝光率十足。而曾因選美毅然放棄大學生活的她，於2018年重返校園，在網上修讀加州大學河濱分校與亞利桑那州立大學的工商管理系學士學位課程，並在2020年12月尾順利畢業。相隔1年多，近日她終於有機會飛到美國行畢業禮，她在社交網大晒多張戴四方帽、着畢業袍的畢業相，見她穿梭校園每個角落「打卡」，又與親友合照，相當開心，她更留言感激親友，因他們成為她最強大的後盾。
Tiffany今日（9日）接受東網訪問，表示今次返美國主要目的，除了探望家人，其次是影畢業相:「之前去唔到畢業禮，得一張證書，冇一個真正嘅儀式，所以媽咪一直好想我返學校影番啲相做紀念，所以同父母、舅父、表弟專登喺洛杉磯，揸車去Arizona（亞利桑那）嘅學校，成件事好warm同開心，記得到現場着起件畢業袍影相，先感受到自己正式畢業，好耐冇試過去大學嘅教學樓，嗰度好大好靚，當日天氣又好，所以好滿足。」
回憶當時要兼顧拍劇及讀書，過程的確辛苦，即使半夜收工也因要趕功課未能休息，但眼見終於有大學畢業生名銜，認為一切付出也非常值得，她說:「見到父母好開心嘅表情，佢哋應該都Proud of（驕傲）我完成到佢哋嘅心願，當然媽咪最開心，因為呢段時間可以陪佢周圍去，好耐冇試過。」談到參與的兩套劇集《青春不要臉》及《鐵拳英雄》即將推出，Tiffany透露預計今個月月1尾才返港，屆時還要接受隔離，故寄望疫情能快點緩和，讓她能趕及為作品宣傳出一分力。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
