47歲金馬影帝黃渤一向出名係愛妻號，平時都未見有咩緋聞，估唔到近日有網友晒出除夕當日偶遇黃渤嘅一輯新相，相中就見到黃渤本身獨自一人去到上海外灘行行企企，點知佢愈行身邊就愈多人，望落就似係佢嘅個人團隊，不過佢行行吓，身邊就多咗一位神秘女性，女方仲出手翹住黃渤，態度明顯親暱，即刻引起網友熱議。有眼利網友就指出女方唔係其愛妻小歐，即惹嚟黃渤偷食疑雲。
網上風向一致大鬧黃渤，搞到佢今日（6日）凌晨即親上火線留言澄清，仲晒出同神秘女方及其他工作人員嘅合照：「東方衛視跨年演出有成績，收視第一值得慶祝！感謝同事們多年的齊心協力，江邊留個影，願大家在新的一年一如既往心存善良，目向遠方」原來位神秘女係佢經理人，仲喺對方臉上下標籤「完全無語的女經紀人」，又自嘲自己係「除了微笑還能怎樣的藝人」，否認謠言。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
