細So老婆終上水Po早餐照 IG全刪家庭照疑已分開
細So(蘇耀宗)去年遭商台解僱後，以個人身份接工作，前年9月被踢爆背妻阿Wing（陳詠楠）偷食白滑KOL兼人妻練美施（Macy）兩年半，辛苦建立多年的好老公及好爸爸形象盡毀，雖然最後獲太太原諒，但因偷食事件中包含搞大人個肚及性病，細So在港的演藝工作全失，一家四口最後低調移居英國展開新生活。.jpeg)
前年9月，細So驚爆背妻偷食後在大嶼山寓所前會見傳媒，承認背妻出軌做錯了，並多次雙手合十道歉。
偷食事件爆出後，細So刪除IG所有相片，深潛近一年，去年8月再活躍社交網，在久未更新的IG即時動態上載相片，當中有風景照亦有自己的背景照，然後公開「My Daily Live」課金平台賺錢。而老公被爆偷食後，蘇太的IG一直冇更新，不過，尋晚佢終於上水，在IG Story上載一張早餐相，教你用三分鐘整一個生酮早餐，再睇真啲，發現以往貼滿家庭照的蘇太IG，只剩返食物相同單人照，兩個仔仔相Cut剩好少，細蘇就完全冇影，睇嚟兩人關係麻麻，疑似分開咗喎。細So出事後已極速清空IG。細So而家Keep住每日一Live。蘇太在IG消失近年半終於有新Po。不過蘇太IG冇晒家庭照，亦刪晒同老公嘅所有合照，不過佢仲有follow細So嘅。蘇太IG剩返食物相同自己嘅玩樂照。仔仔相亦唔多。睇到去16年先見到細So，係大合照嚟嘅。以前蘇太IG有大量家庭照，而家冇晒咯。去年7月成為上市公司米蘭站執行董事及主席的練美施仍繼續喺IG Sell貨。
立即下載 | 全新《星島頭條》APP :https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
