藝人袁詠儀（靚靚）依家同老公張智霖（Chilam）長Stay內地工作，除咗現身幕前搵大錢之外，靚靚更加係人美心善，被大批網友發現佢現身深圳一個社區做義工，身上更着上印有「社區志願者」嘅衣服。
尋日（16日）網上出現大量網友晒相，指喺深圳發現靚靚嘅蹤影，相中見到靚靚戴上口罩，喺核酸檢測點幫忙維護秩序，又為現場檢測市民分發檢測棉籤，認出佢嘅網友仲搵埋佢合照，難怪佢喺深圳做義工嘅消息被網友送上熱搜第一位，仲被大讚「人美心善」、「有被溫暖到」。
陸媒獲機構工作人員證實袁詠儀正喺該社區做防疫志願者。工作人員表示，目前社區正在進行全員核酸工作，袁詠儀確實喺該社區做志願工作，且「很低調」，佢又指袁詠儀雖然係個明星，但喺社區工作人員眼中佢係「一名平凡的義工」，社區對佢嘅防疫協助工作表示感謝。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
