洪永城夫婦首為愛犬慶生 Molly一早Mark實蛋糕秒速狼吞
去年5月，洪永城的牧羊犬「Coco」離世，他跟當時仍是女友的梁諾妍非常傷心，但兩位愛犬之人冇話驚咗唔再養狗，去年7月17日領養了4歲半的金毛尋回犬「Molly」，Molly身世超可憐，幾年嚟不停被繁殖場強迫生育，更慘遭割聲帶。當兩人得知Molly的悲慘遭遇後覺得好心痛，決定領養佢。
梁諾妍攬住已離世的CoCo。Molly 好乖，陪位大小主人。一家四口過聖誕，睇吓Molly笑得幾開心。
洪太喺針卡上睇到Molly係2017年1月出生，由於唔知Molly嘅正確出生日子，所以就將佢加入洪家嘅17日作為生日日子，所以尋日就係Molly嘅5歲日生日嘞。
雖然生咗囡囡「洪寶寶」Amber，但洪太仍然好愛Molly，仲襯佢生日發表愛的宣言，「Molly豬自我帶你返屋企，我對你嘅愛有加無減，我有你喺我身邊我真係覺得好幸福好幸福，妹妹返到屋企你都好乖好懂性，5歲生日快樂我的大寶貝，要健康快樂繼續食繼續自由奔跑🐕
媽媽好愛你💛」屋企有生日佈置。Molly好可愛。梁諾妍同Molly示愛。Molly一路望實個蛋糕。Molly又笑嘞。Molly好想食。洪永城好大力先可以阻止Molly搶蛋糕食。唔使三秒食晒。食得幾乾淨。
話晒第一次同Molly過生日，洪太落足心機佈置屋企，又買咗雞肉味慕絲蛋糕畀Molly，戴咗生日尖帽嘅壽星發現蛋糕已經長期Mark實，洪永城未放低蛋糕佢已經跳起想食，眼神加動作都超猴擒又好笑，洪太已經係咁笑，一放低蛋糕喺地下，Molly唔使三秒食完，快過吸塵。
立即下載 | 全新《星島頭條》APP :https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
