有「絕世好女友」之稱嘅視后唐詩詠，自2019年同緋聞男友「教育界王力宏」陳思銘（Samuel）疑似分手之後，佢都多次對外表示Enjoy單身，即使有人追都工作為重，不過近日有消息指佢同剛大結局嘅劇集《鐵拳英雄》拍檔伍允龍萌生小愛苗，二人喺2月14日為劇集出席宣傳活動，台上已見到二人有唔少肢體互動，更玩到唐詩詠出手摸伍允龍胸肌仔。原來落台後唐詩詠就被發現親自出動黑色辣跑去接伍允龍走人，二人上車駛離電視城，不過途中發現有人跟實，唐詩詠就轉駛去將軍澳地鐵站放低伍允龍，而佢自己就轉駛返香閨。
對於被指撻着伍允龍，唐詩詠接受東網訪問時表示：「套劇都拍完兩年，而家先傳會唔會太耐呀！哈哈！之前拍《鐵拳英雄》時拍打戲佢真係好照顧我，所以呢次宣傳我都會還番『人情』畀佢，依家宣傳完，人情還晒嘞！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
