ViuTV新劇《940920》前日（7日）首播，當中就見到離開無綫嘅資深藝人、現年78歲嘅余子明現身，見佢扮演女主角「林楚凝」蔡思韵嘅認知障礙症，雖然劇集係由去年11月拍攝，到今年先見街，更爆出原來播出前，余子明喺今年初曾中風入院，左邊身暫時癱瘓。
今年一月時，余子明於家中突然跌倒，家人察覺有異樣即將佢送院，後證實患上缺血性中風。中風後佢左邊身暫時癱瘓，留院10日就返回家中休養，暫時佢仍需要坐輪椅，並由家人照顧，幸好日漸有進展，刷牙、洗面、進食都可以自行處理。而佢大仔應《9》劇組要求，開設社交網帳戶，連日貼出劇照及新相，當中就見到余子明手執馬報，眼仔睩睩，並由仔仔代為留言報平安：「😭😭😭…多謝大家嘅留言鼓勵，我會努力康復，希望快啲好番再拍劇畀大家睇。」當阿仔問到佢要唔要睇《9》劇時，余子明竟抵死回應：「等陣先，我想睇馬報先。」精神十足！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
