視后佘詩曼單身多年，唔少粉絲都為佢嘅終生大事而着急，曾表示獨愛有才華、又能令佢仰慕嘅男士，不過佢就唔會為結婚而結婚，目標清晰。出名係圈中孝順女嘅佢，近日有指曾經歷大病嘅佘媽媽身體抱恙，不時現身中環一間專科診所，並接受檢查，而本身正拍攝內地新劇《今天的她們》嘅佘詩曼，亦立即放下內地工作，撲返港照顧媽咪，非常廿四孝。
不過原來佢今次返港並唔係一個人過，消息指佢身邊出現一位年約40歲嘅大隻型男，多次做司機管女神接送外，仲會陪伴佘詩曼貼身服侍佘媽媽，更一行三人現身西貢市中心，選購有機蔬果又買靚魚，似係由佘詩曼親自下廚，悉心照料媽咪三餐飲食，侍母至孝。買完餸之後，型男就繼續揸車直駛去佘詩曼西貢寓所開餐。東網聯絡上佘詩曼，她否認該大隻男是男友，並謂：「我阿哥嚟。（親阿哥？）係，同媽咪Body Check。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
