藝人陳庭欣今日（7日）喺社交網上載一張《無辜小鸚鵡被殺害》嘅新聞截圖，內容指近日一名女設計師報案其單位內飼養的一隻鸚鵡，被醉酒男友掟落地慘死。身為愛雀之人嘅陳庭欣得悉事件後非常心痛，更嬲爆發文直指兇手冷血。
佢寫到：「琴日我收到朋友小鸚鵡突然離世的消息，令到我感到非常愕然。知道事發過程後, 我非常憤怒，同時非常痛心！呢啲咁殘酷虐待小動物嘅情景真係唔應該出現！ 睇番電梯內CCTV片段，佢當小鸚鵡係個波咁，拳打腳踢致死，依啲係咩人先做得出。我朋友同小鸚鵡生活超過10年，感情猶如親人一樣。我非常擔心我朋友，因為佢要面對這一切，希望大家可以畀多啲正能量支持佢。無論點我哋都唔應該傷害小動物，希望大家好好愛護小動物，唔好容忍任何殘酷虐待動物的事情發生，施虐者亦都應要得到相應的懲罰。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
