台灣女星徐熙媛（大S）閃嫁韓星具俊曄，二人廿年感情舊情復熾，具俊曄為咗見大S一面更不惜「以身相許」，完全婚姻登記後飛奔台灣，今日（20日）凌晨就係佢隔離10日期滿，要轉下個地方進行7日自主管理。佢今晨未出關，現場就有一名身高1米75左右嘅白衣男子喺酒店大廳等，因相貌清秀、打扮時髦，令媒體紛紛猜測其身份，據知白衣男係徐熙娣（小S）助理，因姐妹倆關係緊密，都算係大S嘅經紀助理，特地登去接「姐夫」出關。
凌晨00:04左右，具俊曄身穿藍格仔衫搭乘防疫的士離開酒店，坐於後座嘅佢親切向現場媒體、粉絲打招呼，大批媒體圍實影相，搞足5分鐘先開到車，佢隨即前往車程不到10分鐘嘅大S豪宅，直駛地下停車場，正式直搗大S閨房，為7日「禁室培育」夫妻團聚展開序幕。
姐夫出關，估唔到小S出人又出力，佢深夜晒出一段熱舞模仿影片，高喊：「姐夫，小姨子以這支舞歡迎你」模仿姐夫組合、韓團酷龍代表作《Bing Bing Bing》，佢仲拎保鮮紙包頭扮光頭，非常搞笑，睇嚟具俊曄已經成功收買姨仔心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
