現年30歲的無綫大隻仔郭子豪，與前港姐亞軍鄧卓殷拍拖2年，終修成正果，有意拉埋天窗，希望今年成事，近月子豪瘋狂為其主理網台接Job，積極搵「老婆本」，並且已買定戒指預備求婚！卓殷日前亦於社交網晒出婚紗照「An Exciting Project is Coming」似講工作，但其實有弦外之音。為搵老婆本，郭子豪試過幾晚通宵冇瞓開工，為無綫開工仲曬到見頭暈要坐埋一邊回氣。
東網就此事致電子豪，他承認確有結婚打算，但都要先努力搵錢，至於係咪已買定戒指預備求婚，他說：「呢啲遲啲先同大家分享」子豪指父母很喜歡鄧卓殷，女友亦很懂得氹他父母開心。至於自己最愛女友甚麼？子豪則大講肉麻宣言：「跟對方已是『共同體』，二合為一，不能分割，亦感激對方在我的創業路賦予無限量支持！」
他又表示近日有很多支出：「一個有承擔嘅男仔，拍拖咁耐都會朝住結婚方向諗。買戒指又係使費、求婚又係使費，作為有承擔嘅男人係要有啲計劃。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
