藝人曾江昨日（27日）驚傳噩耗倒斃酒店房間內，終年87歲！而曾江的遺體被送往葵涌公眾殮房，今早（28日）約10時，曾江女兒曾慕雪與老公及兩名同行親友，到達葵涌公眾殮房，並在警員陪同下進入殮房認取父親的遺體，神情哀傷的她見現場有大批傳媒等候，亦停下數秒跟大家打招呼：「辛苦晒大家」。
約1小時後，曾慕雪便完成有關手續，步出殮房受訪，提到見到爸爸最後一面，她表示：「暫時唔詳細講，大家都接受緊，真心多謝大家關心爸爸，希望大家畀到好嘅記憶大家，我哋會加油處理要處理嘅事。」問到事前曾江有否異樣？她表示：「都幾廿歲，正常老人家身體狀態。（本身心臟有毛病？）少少，都係血壓高。（有冇追問酒店有冇送藥畀爸爸？）唔再討論啦，都發生咗，冇嘢會有任何嘅處理，大家慢慢消化仲緊要。」講到喪禮安排，她就表示還在商討，偏向低調處理。
問到曾江有否留下最後說話，她表示近日都有保持通電，而問到覺得檢疫酒店有否責任，她就指：「我覺得好多嘢都唔係檢疫酒店做到，或者大家會想像到發生咩事，好多嘢要大家應變。」又指有相約在父親返港後見面，但因隔離期間未能相見。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
