台灣天王周杰倫（周董）太太昆凌早前宣布佗第3胎，尋日（22日）前興奮晒片宣布係B女，正當大家都恭喜佢準備再做媽咪之際，有傳阿女原來已經喺前日（21日）出世，爆料人仲要係周董好兄弟、台灣男星劉畊宏！
依家轉戰內地嘅劉畊宏，最近就成日喺網上開Live教網友做運動，佢尋日就如常開Live，點知運動到一半休息時，佢就走近鏡頭，直指周董個女已經出世，佢都打畀老友恭喜佢：「前1天（21日）他女兒出生了，然後呢，我也恭喜他，昨天我們剛通過電話。」佢就話周董知道佢依家帶大家跳操，非常開心，亦戥佢高興，甚至大方話劉畊宏可以用佢啲歌做Background Music。
劉畊宏意外提搶先公布生B消息，對此，今日（23日）周董所屬杰威爾目前尚未有回應，但就再次強調：「以藝人公布為主。」仍未知B女係咪真係已經出世。被爆生女後引發網民熱議，劉畊宏傍晚在社交平台急急補鑊，表示：「誤會了…前天看了昆凌ig和媒體說官宣第三胎是女兒，昨天跟杰倫簡訊聯絡，恭喜他又有一個女兒，他也很開心，我以為是已經生了。所以…誤會了。『杰倫昆凌第三胎是女兒…而不是生了女兒』。不好意思，讓大家誤會了。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
