鍾麗淇日前接受港台《舊日的足跡》訪問，大談母親節願望，並且憶述與丈夫相識的經過、媽媽如何令她釋懷，以及當年與前度分手的糾結。
鍾麗淇談前度梁榮忠仍有聯絡：「佢係一個好人」。
鍾麗淇一直渴望聽到大女兒叫她一聲媽媽，就算說不清楚，只是一句「唔唔」，對她來說已是最好的禮物。「每次我叫佢叫我媽媽，佢都會偷笑。我知道佢明白，只係暫時講唔到，我知道有一日，佢一定會講出嚟。」大女兒 Isabella六個月大時確診罕見基因病，曾被醫生斷定過不了兩歲，但她已經慶祝了11歲的生日。「我從來冇倒數，只追求女兒每日都有少少進步，我已經覺得好開 心！」鍾麗淇說她與丈夫也不曾對此埋怨過，認為命運既定，已接受上天給他們安排的路。她還欣慰兩姊妹感情好好：「我冇要求細女一定要照顧家姐，但佢會，太好嘞！佢唔會都冇問題，我唔會怪佢，唔會畀任何壓力佢......」。
一家四口充滿正能量。
鍾麗淇謂與丈夫已有老夫老妻的感覺。回想當年，回復單身的她本來對愛情存有恐懼，又認為自己30歲已很老。朋友勸她不要把自己收起來，結果一年多後，她在蘭桂坊見到現時的丈夫。「第一眼我以為佢比我年輕，我未必接受到。朋友搶佢嘅身份證嚟睇，佢真係大過我！我哋開始拍拖，佢好幽默、老實，我好信任佢。當時我媽媽已經病重，佢一直都想我結婚生仔，我做到......我結婚斟茶畀佢要倒入胃喉。喺教堂行婚禮，媽媽喺輪椅度觀禮，係好溫馨嘅回憶。」個幾月之後鍾媽媽與世長辭。
鍾麗淇現為瑜伽導師，身材仍Fit到爆，與細女一齊玩得好開心。
鍾麗淇鮮有提及與梁榮忠的八年情。她於2008年離開TVB，外間還以為因為她不想再見對方。她解釋自己本來對工作充滿熱誠，但當時流行「飛紙仔」，對她是很大的挑戰。她因為不明白劇情，覺得沒趣所以才離開公司。對於前度梁榮忠，她表示：「完全冇 hurt feeling，生日都會互相WhatsApp......每樣嘢都係整定，事情發生之後，試過想補救，但其實唔可以勉強，我決定要向前行。我唔會怪佢，亦唔會覺得佢做錯事，呢條係佢嘅路，但選擇就係分開行......咁樣我會覺得舒服啲，我唔知佢嘅感覺，我要行自己嘅路。再見亦是朋友，我當佢係朋友，有乜嘢需要我會盡幫，不過就從未試過。我唔會 block 咗佢，因為我覺得佢唔係壞人，佢係一個好人。」
梁榮忠一頭白髮，與克勤仍時有見面相聚。
|
鍾意就快D Share啦！
|
|
|
