藝人林盛斌（Bob）向來有「金牌媒人」之稱，曾撮合多對情人，包括慧敏與心臟科名醫陳良貴、張秀文與金融才俊王大權等，近日佢亮相陳敏之影片頻道節目，大談媒人唔易做：「嗰十個八個成功曾經經歷過無數嘅歷練，先可以有呢個成績，唔容易㗎，大把係約到出嚟係唔得。」佢又直言認為年到40歲仍然單身的男女性格定有缺陷：「例如係口不對心，話唔使靚嗰啲，扮咩呀？咪又係要樣靚、波大同腳長。女仔話唔使有錢，人哋揸架咩車出嚟又係到鄙視，收皮啦我心諗。」但亦認為自身條件好嘅人，對另一半有要求都係人之常情。
及後，佢更揚言下一個目標係視后胡定欣：「下一個我一定要搞掂佢，就係胡定欣，佢一定得㗎！獨立，唔使你養，我問過一啲男仔，啲人會同我講『會唔會好惡？』覺得佢眼神凌厲，眉毛粗，嗰下怒瞪會攝走你，但佢嗰種溫柔、可愛同女性化係好正，當然我都知定欣會有要求，啱唔啱眼緣同傾唔傾到偈......我會努力㗎，胡定欣，你等等。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
