節目由梁思浩、韓君婷和李思蓓擔任主持，眾人大談護膚品的功用和宣傳手法。節目尾段，梁思浩表示︰「我睇到一個人塊面，我就知道你哋唔好用咁多樣嘢喇，因為呢個人我識咗佢30年，我睇住佢有經歷，睇住佢成長，佢塊面一路嘅變遷，依然而家好靚落咗妝之後，我想講佢乜嘢都唔搽嘅，係呢幾年開始搽嘢㗎啫，嗰個係汪明荃！」李思蓓即說︰「哦！阿姐淨係用凍水洗面，跟住用最簡單嘅嘢，唔會用10幾支嘢。」
梁思浩繼續爆阿姐護膚的秘密，「阿姐以前一路由我哋做《歡樂今宵》，佢好簡單㗎咋，佢真係就咁用豬油膏，佢攞豬油膏落妝，落完妝攞番梘洗面，洗完面拍下塊面，跟住就走㗎但係我想講，我睇住佢塊面咁多年以嚟嗰個變遷到而家，依然質地好靚。」然後他講到另一位反面例子，他就未有開名，「另一個真係由乜嘢都搽晒上塊面度，乜嘢都買，睇住佢塊面冧！」梁思浩又說︰「Liza姐就真係呢幾年先搽下嘢㗎啫，佢塊面真係keep得好好，皮膚嘅質地好好。」梁思浩覺得到50歲塗護膚品保養是應該，但廿幾三十歲不用塗太滋潤的護膚品。
點解下圖睇吓Liza姐嘅靚相︰
本文作轉載及備份之用 來源 source: http://www.hk01.com
|
鍾意就快D Share啦！
|
|
|
