歌手吳業坤成為人夫後，今日（19日）首度出席假apm舉行的父親節活動，明顯幸福肥的他肚腩凸凸，現場除有數10粉絲舉牌支持外，其母兼父職的媽咪亦捧場，但未見其新婚日本女優太太濱口愛子，在台上的他更特別表示：「好多朋友恭喜我係咪做爸爸，其實唔係，我太太好驚，因為佢好怕畀人話奉子成婚。」
活動後，他接受訪問時表示太太有同行，但不想曝光而「走咗」：「佢都唔係圈中人，等佢適應吓香港生活先啦，唔想佢嚇親，等遲啲會正式介紹畀大家認識啦，遲啲都會喺香港補擺酒嘅。」又指打算幾年後才生BB，到時生仔定女都無所謂，現時夫妻間保證好「安全」。
想組夫妻檔
他透露稍後將和太太分開，將返內地拍劇數個月，而太太因為簽證問題未能陪同，故先返日本工作，但不是重返日本演藝圈。問太太會否將留港發展，他說：「睇吓佢適唔適應先，啱先再行動，我都教緊佢廣東話，或者組夫妻檔，我做佢經理人。」
問到和太太是否閃婚，他又說和太太都認識了一段時間才開始，但就講不出拍拖多久：「都拍咗一段時間，斷斷續續咁，我唔講咁多，怕太太唔鍾意。（太太都係藝人身份喎？）佢冇接受過訪問㗎！」對於太太被讚身材好，他用錯詞語說：「不敢恭維，我唔係睇外表，係睇內涵，我都有問太太係咪鍾意我個樣，佢話我個樣似狗仔。」又稱娶日籍太太，非因其國籍關係：「我細個時係好鍾意日本文化，啲漫畫呀，劇情呀，但因為咁而娶日籍太太，想法好變態。」
屯門築愛巢
談到現時兩夫婦和媽咪同住，他就話絕對沒有婆媳問題：「佢哋最大問題係言語，不過佢哋都已經係同一陣線。」又指屯門物業將是兩人的愛巢，但尚未收樓，相信要等半年才可搬入。至於未來工作，他說會加盟TVB Music Group做歌手，現只欠動筆簽約，問近年頻和友台ViuTV藝人合作拍片，可有牴觸？他覺得問題不大：「我都有問過公司，希望愈嚟愈開放啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
