坤哥接受《香港01》訪問，他表示太太今日應有到場支持他，他說：「今日我出門口先呀嘛，佢應該有嚟，佢都話都想睇吓我工作感受。」坤哥稱陣間會偕媽媽、太太回家食飯。談到閃婚，原來坤哥媽媽也是最後一分鐘才知兒子結婚，雖然坤哥自認不孝，但媽媽無怪罪他：「佢都讚我叻仔嘅。佢都覺得娶到個好老婆孝順佢囉。」談到疑似奉子成婚，坤哥老婆得悉後原來不太開心，坤哥說：「太太都好驚俾人以為係奉子成婚，所以佢今日佢都叫我快啲同記者朋友澄清。」坤哥應承一定會補擺酒：「想畀媽咪感受下做奶奶嘅感覺。」並希望邀請太太家人到港出席。另外，坤哥又透露是太太自己揀求婚戒指，心意搭夠價錢不重要：「又冇10萬嘅，但佢鍾意囉！」
早前有傳媒拍下坤哥和太太出門身影，坤哥指太太雖曾於日本從事幕前工作，但仍不習慣被跟拍，他說：「喺佢面前影相，佢都叫做有啲驚咗。本身就想等佢對香港有安心感覺先介紹佢出嚟，可能始終有少少呢啲香港文化佢未適應。」
坤哥表示太太適應後才決定會否於香港搵工。如今太太略懂廣東話，對坤哥的歌則一知半解，坤哥說：「佢見到人就話識少少廣東話。（識唔識你啲歌？）可能未識歌詞囉，我都有略略教吓，例如《無價》係關於媽媽嘅歌。但我都唔會迫佢聽，佢有選擇自由。」
坤哥之後將回內地工作一段時間，太太則會回日本。問坤哥會否歸化做日本公民，坤哥指未想到這麼長遠。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
