新一屆香港小姐今日在將軍澳電視進行首輪面試，無綫總經理曾志偉與高層樂易玲接見佳麗後會見傳媒，志偉覺得今年佳麗質素平均，有幾位佳麗更相當突出，整體質素比去年好。講到林俊賢的愛女林卓錡（前名林鈺洧）來參選？他說：「唔認識佢，佢好似係27歲趕尾班車，今年多咗好多26、27歲嘅女仔把機最後參選機會。（今年多北方佳麗？）兩樣都有，佢哋好多喺香港住咗好長時間。（索女刑慧敏同模特兒公司有合約，有冇牴觸？）我哋唔介意佢有冇合約喺身，我哋係想搵佳麗代表香港，去推介香港，唔係話有合約就一定唔得，選咗先啦，以美貌與智慧去選。（會唔會要求佢哋先解約？）唔會，以前都試過同一啲經理人公司共同擁有一個藝人，有啲人哋間公司13歲就簽返嚟培養，如果要求佢哋解約就唔公平。」講到無綫控告林作的官司，他表示因為已經進入法律程序，故不便評論。樂小姐則透露還會以視像面試20多位海外佳麗，首輪面試約一百人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
