藝人方力申（小方）今日（9日）出席公開活動時，主動提及旗下泳會生意再次面臨嚴峻考驗：「因為疫情唔明確，每日都有2-3000個確診，加上本地學校同國際學校嘅暑假唔同，好多家長又想請教同小朋友去旅行，生意愈嚟愈難做。其實我同拍檔經營咗4年，至到依家都冇分過錢！」
小方坦言泳會每月支出接近3、40萬，他慨嘆表示：「所以拍檔做生意真係要共患難，富貴就唔使共啦。我都同啲教練講，佢哋入息多過我，我都是個疫情期間零收入，助手主動話減人工，我即刻同佢講過多謝，覺得好感動，大家唔好以為我好富貴。」
現正拍攝劇集《美麗戰場》的他，打趣連開工飯盒及飲品都拿走：「留返夜晚慢慢食。我依家減緊肥，可以一日食一餐，食少啲健康啲，攞埋飯盒嘅好處係唔使使錢！」另外，原來小方已與邵氏約滿，年初回復自由身：「不過《美》劇係佢哋幫我接，大家關係仲好好。（有冇諗過在簽經理人公司？ ）自己做住先啦，依家咁嘅環境，簽約都講唔到錢，最緊要有機會。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
