藝人黃美棋與男友鍾健威恩愛非常，兩人早前表示已計劃好明年舉辦婚禮，不過早幾日美棋喺社交網甫相留言：「長文慎入…我正式成為咗媽咪啦。」咁突然！莫非想趁仲係虎年生隻老虎仔？
不過睇相就發現原來美琪唔係心急做虎媽，而係迫不得已做咗斑鳩媽媽，相中美棋正係同手中抱住嘅斑鳩BB合照，佢亦留言分享「育兒」經過：「話說前排有隻斑鳩媽媽係露台篥巢孵蛋，出世之後一日，我地發現斑鳩bb就掉咗落地下，奄奄一息，媽媽棄巢而去一去不返……最後我地都係決定拯救呢條小生命，我哋幫佢改咗個名叫做『咕兒仔』Gooson B。」、「宜家每日8點幾9點起身餵奶、同佢曬太陽，玩一陣，就包住佢再瞓教，得閒吹吓暖風，佢今日已經22日大啦，我作為鳩媽都好安慰，雖然身體仲係有啲虛，好彩有鳩爸爸幫手，同我一齊進行救援行動，咕兒仔，雖然你細細隻真係好得意，不過鳩爸鳩媽都祝褔你要繼續健康咁長大。」兩個都咁有愛心，睇嚟將養育小朋友都唔係問題啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
