由古天樂主演及擔任總監制的電影《明日戰記》，成為第46屆香港國際電影節開幕電影，昨晚（15日）古仔與姜皓文及導演吳炫輝到尖沙咀出席電影節紅地毯儀式。
古天樂話佢唔係喊……係熱到要抹汗呀……
古仔透露早前離港16日到大陸為電影做宣傳，提到他在活動上講到希望大家不要令他覺得自已是孤獨一個人，古仔說：「我話喺呢個（電影）路上，而家隔離都企咗兩個人。」至於他曾表示入場看電影的人都是老婆，古仔解釋因為當日在直播時，看到留言的人全部都叫他做老公，所以他才笑指每個入場的人都是自己老婆。
對於被指宣傳期間因感觸而流下男兒涙，古仔坦言若自己真的喊，大家應該會看到影片，他笑說：「嗰日我行戲院，佢哋冇開冷氣，熱到呢！」古仔坦言感觸當然會有，因為這部電影花了10年時間，並不是一件容易的事：「我覺得最緊要大家去支持，第二就係作為一套科幻片，無論係點都好，就算好成功，返去都係會檢討，因為永遠都會有進步空間，咁樣先會做得更加好。
古仔（左起）昨晚跟導演及姜皓文一同現身。
古仔又謂現在會專心在香港做好所有宣傳活動。古仔在離開時，停下來為在場fans簽名外，亦有與他們合照，表現相當親民，不過就因此被fans包圍搞到寸步難行。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|
