今集一大亮點，是在上周日晚首播的《開心無敵獎門人》中展示「豬隊友」非凡實力的Lesley。上季兩度挑戰均是失敗而回的Lesley，今次第三度挑戰自然有備而來、勢兇夾狼勢要一雪前恥。可惜她出師不利，答問期間因遭思捷追問與老公私人事由囂張自信慘變「紅都臉晒」，更弱弱地低呼了一句：「Oh My God！我四叔喺度，唔好問我呢啲嘢啦。」
另一亮點是今集火藥味濃，為慶祝《思家大戰》添食第二季，「演鬥Gang」應思捷要求即席大玩Acapella（無伴奏合唱）贈興，豈料王梓軒竟劈頭第一句便向思捷挑機︰「有啲人話李思捷緋聞多到太離譜，有啲人話佢今季冇嘢撈。」之後製作組再踩多腳「以一個字形容李思捷乞人憎嘅原因」為題目，引起嘉賓圍攻思捷，思捷最終忍不住大罵：「Shut up!」更一度發爛渣謂：「我返屋企唔撈喇！」場面搞笑。
另一條題目：「女兒第一次帶男友見家長，但作為父母唔鍾意未來女婿嘅原因係乜？」John哥諗都唔諗秒速撳燈搶答：「樣衰！」瞬間全場焦點落在他的真女婿曹永廉身上，曹永廉則以尷尬而不失禮貌的微笑回應。之後John哥搶答再補多槍，指不鍾意囡囡另一半有體臭，現場再度爆笑。而今集的「終極開口中」環節，勝出一方竟悉數答中所有「NO.1 Answer」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
