藝人洪卓立（Ken）最近在社交網分享自己贏波贏馬的經歷，上載兩張相片，並寫上︰「間唔使會玩吓嘅，小注怡情，最好彩呢次，不過輸番晒出去了﹗」一張相片是他早前以1000元賭波贏得11500元，而另一張他6月中賭馬，以賭本720元成功贏回73994元。
對於洪卓立3個月輸光7萬蚊被批爛賭，他回答網民真實感受︰「就算有都唔敢開心share啦，話明間中玩吓，又話人爛賭，認真嘢又唔見佢講唔見佢報，亂講個啲又反而咁認真。」而有網民認為買馬買波印象唔好︰「反而股票嗰啲就無事，明明大家都係賭博/ 投資？」
洪卓立則回應︰「我唔敢講邊樣啱、邊樣係唔好、邊樣係有技術，邊樣係靠運氣，我亦唔係鼓吹緊人哋去做呢兩樣嘢。你有你鍾意嘅球隊，我有我睇好嘅公司。只能夠講，小注怡情。至於個小注點樣去畫尺，我諗就要睇番你自己，唔好過分就成立。」他回覆東網說：「其實真係唔係成日玩，只不過真係嗰次咁好彩。至於嗰7萬蚊，其實話輸番晒出去只係同網民講吓笑，咁好彩贏番嚟嘅lucky money，點會掉番落去。不過就真係使咗唔少嘅，用嚟換電腦做直播、買game、做運動、買嘢畀幾隻寵物同埋送啲小禮物畀屋企人咁，所以啲錢都真係要睇住嚟使。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
