台灣天王王力宏同李靚蕾離婚官司仲未完，不過自去年12月底二人「蕾神力王大戰」互揭醜事後，王力宏已經暫停晒所有演藝事業，冇工開嘅佢就被目擊到已從工作室搬到個人公司居住。
據台灣消息指，王力宏依家日日靠住之前嘅存款度日，仲話有同佢同教會嘅友人透露，王力宏搬到個人公司住，離之前舊屋較近，即李靚蕾同三個仔女現時居住嘅豪宅「吾疆」，所以有時會不自覺由公司遙望舊屋，睇到間屋熄燈佢先會入睡。不過搬到個人公司居住後，就被檢舉違法裝修，遭質疑非法入住公司，仲因此被罰款6位數新台幣，令佢大受到打擊。
另外，有台灣媒體影到王力宏現身單車行，為即將過生日嘅二女挑選禮物。見王力宏戴住頭盔、口罩，留有一頭長髮，加上個大背囊，望落精神狀態唔錯。佢最終揀咗個藍色小單車，選購完之後，王力宏就自己踩單車返回住處。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
