台灣藝人林志穎上周48歲生日，終於都喺嚴重車禍後首次晒最新靚相，當時佢已經提到自己其實已經行動自如，但每次出入銀行或Salon時，大家都會訝異問：「你可以走哦？」搞到佢都好冇癮，仲話網上傳言令佢頭痕又不解，反問：「難道大家想看我重傷臥床？」
林志穎被問及呢3個月在家養身嘅心情，佢話自己每天都仲要固定做復健，又用跑步機快走，希望自己能夠趕快好番。至於被問到何時要復工時，林志穎則表示「目前還沒有預計的計劃。」明顯未想咁快見人。身體狀況良好嘅佢，亦提到康復後最想去旅行，周圍走吓，佢自己都好耐冇坐飛機去玩。林志穎同時提及老婆陳若儀嘅辛苦，指自己好在復健之路有老婆一路相伴，佢對陳若儀呢段時間嘅辛苦，都充心感激，又話要一齊加油。
另外，近日林志穎座駕被拍得出現台灣街頭，對此林志穎只話佢並未開車出門，雖然佢都會陪老婆去超市採購生活用品，不過座駕就係暫時由司機代勞駕駛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
