藝人譚凱琪婚後誕下囡囡Gabri，自此經常囡不離身，近日佢帶住囡囡出動，去到郊外野餐，趁機拍下一輯靚靚母女照，見當日佢哋換足3套衫，而且每套母女裝都襯到絕，Gabri仲紮上雙髮髻「春麗頭」，相當可愛，其中一張相Gabri仲罕有以正面示人，見佢盡得媽媽真傳，除遺傳「餅印」靚樣外，仲非常識得擺Pose，加上表情多多，果然有「星二代」風範！
譚凱琪亦有感而發，發長文分享作為在職媽媽嘅感受，坦言自從做咗媽媽之後小朋友就成為自己世界嘅中心，又笑指生活模式一下子直接由女皇貶做奴才，初時曾感到不適應，但慢慢學習「斷捨離」，學習喺工作同家庭中取得平衡，又強調：「要相信自己、愛自己、感受自己，不要輕易放棄自己的夢想。畢竟Working Mums絕對是不容易，但卻令自己十分自豪的工作！」認為作為母親都要不斷進步，先可以以身作則，成為孩子嘅榜樣。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
