今次《美麗戰場》陳瀅貴為女主角就緊喺好多戲份，只不過由開播到現在都被網民圍插演技差！仲有人專登cap圖收集她淨係識瞪大眼的演技。工作人員仲好識做攞返張圖出嚟，四位見到即刻大笑，仲一齊登大隻眼擘大個口扮陳瀅，不過陳瑩都有解釋點解會咁樣演：「就係因為佢由好天真咩都唔識嘅女仔，突然間發生啲咁震撼嘅事，之後應該唔會集集都有呢個表情。」另外，有網民覺得陳瀅未夠班憑呢度劇爭視后，她就激動澄清指：「我唔係一個想爭視后嘅人，我亦都唔鍾意有太多比較，大家可以冷靜啲！」
工作人員就好公平嘅，收集惡評又點會得陳瑩一個呢！其中陳曉華就被網民話佢：「雖然靚女但條頸好長。」曉華即刻摸下自己條頸表示認同：「我條頸真係好長，最近仲有啲頸痛。」劉佩玥即刻開口圓場指：「佢上鏡睇落會長啲，但真人睇落唔覺。」可惜連當事人都深深同意自己頸長，好姊妹想幫手兜到兜唔到啊！曉華 說：「我個頭同條頸係成一直線。」先會令人有個錯覺條頸好長。劉佩玥仲講笑叫曉華將條頸練粗啲咁咪唔覺，果然好有創意。
四位除咗嘻嘻哈哈之外，都有認真嘅時候！網民提出有關劇情既荒謬點，例如「劇情老土」、「服裝MK」四位都會盡量解釋返當時點解導演會有咁嘅安排：「講03年麻，係老土㗎啦，唔通好時髦咩？如果好時髦就會好牽強。」強調會愈來愈好睇，觀眾記得追到尾啊。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
