熱爆娛樂: 美麗戰場｜李成昌演鹹濕大佬「自肥」同導演提議加戲摸女仔大髀 #李成昌 #美麗戰場

2022年10月20日星期四

美麗戰場｜李成昌演鹹濕大佬「自肥」同導演提議加戲摸女仔大髀 #李成昌 #美麗戰場

李成昌入行43年，曾出演多過經典角色，樣子凶惡的他經常被TVB安排飾演奸角。今天（18日）昌哥出席劇集《美麗戰場》的宣傳活動。提到已經連續三套劇都飾演壞人，會怎樣去設計每個奸角的分別？他表示：「今次就比較有趣啲，導演問我可唔可以演一個同平時唔同嘅大佬呢？跟住我就諗好似真係乜大佬都做過，後尾我諗吓諗吓好似唯一一個未做過，就喺鹹濕大佬啦。」鹹濕都有好多種程度，昌哥喺有用心去諗點塑造一個「鹹濕」的形象：「我又唔想去做一個好膩嘅鹹濕佬，或者好核突嘅鹹濕佬，我好想做一個好斯文好斯文嘅鹹濕佬，唔係見到就擒埋去，係一個好內斂嘅鹹濕佬！」

因此，昌哥向導演提出加動作戲，提議用手摸女仔大髀，親自用行動話俾觀眾知佢喺好鹹濕：「鹹濕好多嘢用眼神或者用手勢我覺得唔係咁好，我覺得其實摸大髀係最好最直接，我創作呢個摸大髀咁導演都OK！」被問到昌哥今次「自肥」有冇比太太詐型？他笑言：「好彩我老婆仲未睇到嗰集，佢第一集又睇唔到咁啦，哈哈！講笑啫，我老婆唔介意嘅。」