藝人蔣家旻今日（18日）為劇集《美麗戰場》宣傳，憑「反骨琪」一角而大獲好評的她表示角色會一直奸到尾：「初時好開心，收到留言話我好奸，後來有啲負面情緒，啲人以為我真人都係咁奸，連我表哥睇咗一星期後話我太奸，要棄劇，我覺得佢有冇搞錯。（因為壓力太大睇中醫？）冇，我向來有定時睇中醫理調身體。以往一有壓力就有濕疹，但拍呢套劇冇發作。」
問到會否希望獲獎？她認為獎項隨緣，以前遇到有發揮的角色會很緊張，今次反而以平常心輕鬆面對：「希望入到女配角及最喜愛角色5強。（你咁奸仲入最喜愛角色？）唔介意公司增設最乞人憎角色獎，如果有，我就實至名歸。」對於有內地網評《美麗戰場》為史上最差港劇，而陳瀅更被指是最大敗筆，她坦言沒有留意，認為可能大家口味不同：「總有人唔鍾意呢類爭鬥劇，但我哋覺得幾好，好耐冇一班年輕人去做爭鬥劇，陳瀅做得好好，唔係拍佢時，佢都交足戲畀我，希望大家畀啲耐性，陳瀅到選姐就會黑化。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
