資深藝人余子明今日（10日）因病逝世，終年78歲。曾效力無綫超過40年的他，最出名是當年在《歡樂今宵》入面扮演「大眼雞」，而為人所熟悉，又參演過不少劇集演出，於《封神榜》中演姜子牙最為經典。
他今年初曾中風入院，左邊身暫時癱瘓，需要坐輪椅，由家人照顧起居飲食，在10月底時他兒子於社交網上載最新相片，見余子明對住鏡頭影相，雖然臉容消瘦，但眼仔睩睩尚算精神。當時他兒子透露爸爸身體狀況明顯退步了，因濃痰太多化不開，擔心情況嚴重會引起併發肺炎，所以急送院檢查。對於余子明離世，其兒子受訪時表示：「多謝關心！有心！」而無綫對於余子明離世深表惋惜，並向其家人致以深切慰問。
曾於劇集《踩過界》中飾演余子明女兒的朱智賢，受訪時坦言：「尋日我喺社交網睇到佢嘅消息，見佢都瘦咗好多，頭先收到消息話走咗，都好愕然，好可惜，失去一個咁好嘅前輩，《踩過界》係我第一次同佢合作，佢好專業，Roll機前大家仲講緊笑，一正式佢即刻可以喊到，幾秒間入戲，真係好犀利。」
曾經與余子明合作過的蔡思韵對於前輩離世，她表示：「永遠會記住子明叔的風趣幽默和敬業樂業的精神！非常榮幸在您最後的一部作品中與您合作。永遠的爺爺，願你安息！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
