余子明逝世丨谷祖琳獲教人生道理：人生要放鬆啲開心啲
余子明遺作係去年為ViuTV拍的劇集《940920》，劇中飾演女兒的谷祖琳對子明哥離世感到突然及可惜，更形容這位老人家不獨好好人，更相當搞笑，有他搞Gag，現場就會輕鬆得多，氣氛融洽。
子明哥離世令婉惜。
小谷說：「拍呢個劇同子明哥相處咗好幾日，見到老人家，大家都肅然起敬，開工時打醒12分精神，子明哥反而叫大家一齊玩，唔好咁緊張，佢唔使大家特別呵護，成件事好和諧、好happy。」拍劇同時，小谷獲前輩分享人生分享，令她獲益良多：「佢人生有好多經歷，啟發到做人要放鬆啲，開心啲，尤其去到一把年紀乜都冇所謂，可以放得低。」小谷有幸和子明哥合作拍最後一部電視劇。小谷大讚子明哥係好好前輩。從他身上得益良多。
余慕蓮對死訊唔愕然：幾十歲個個都排緊隊
85歲余慕蓮(魚毛姐)曾跟子明哥合作做過《歡樂今宵》，最後合作於1998拍《烈火雄心》，劇中飾演兩公婆。魚毛姐對子明哥死訊不感愕然，她說：「睇新聞日日都有人死㗎啦，我哋幾十歲，個個都排緊隊！好似我咁，今日先做完幾小時化療，做到腳震又肚餓。」她表示和余太較熟，余太係馮素波妹妹，跟她都係愛唱粵曲。魚毛姐無奈話一把年紀個個排住隊走。
吳麗珠讚子明哥周身刀都鋒利
吳麗珠跟子明哥做過《歡樂今宵》，更形容做得《歡樂今宵》嘅前輩，張張刀都利。她最有印象第一次海外登台，到澳洲時是拍住子明哥及琴姐。吳麗珠讚子明哥身周利刀。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
