前無綫主播吳紫韻（Purple）有份參與《全能司儀選拔大賽2022》，但在首集中Purple慘成最後一名，不少網民都替她不值，她預告：「雖然我暫時係最後一名，不過之後幾集有驚喜畀大家，嚟緊三集都仲有我出現。」
Purple認為可能自己在節目中呈現出來的感覺太強，故未能觸動觀眾：「節目第一個任務係由50位幕後人員對我哋作出評價，全部都係較負面評價，例如我係富二代追夢、好嘈、花瓶等等嘅標籤，之後要喺50位觀眾面前作大平反，我個性格係好直腸直肚，唔認識我嘅人會覺得我有啲串，相反其他參賽者較為煽情，但我就冇講自己嘅辛酸史，因為我本身係個報喜不報憂嘅人，呢個位比較蝕，所以未必感動到觀眾，我係有少少唔開心，我冇畀觀眾睇到我嘅故事，呢個係我自責位置。」
但Purple慶幸不少網友在節目後留言指她的對答表現不俗，她相信日久見人心，期望觀眾將來明白她只是率直而非串。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
