已離巢的鄭裕玲（DoDo）今日（26日）重返無綫為綜藝節目《樓價有得估》錄影，她透露今次是添食之作：「個節目之前已經拍咗6集，今次拍多4集，希望我返嚟幫手拍，我當然可以（你嘅最後一個節目？）唔知係咪，有適合又啱時間，佢哋叫到我都會返嚟。」
她稱跟無綫的合約已於10月中完成，至於最新動向，她坦言很多事情仍未落實，定下來便會公布：「當中會有啲新嘗試，費事未落實就講，好似煲冇米粥咁就唔好來日方長，大家仲會見到我。」講到台慶，DoDo表示當晚有事所以未有收看，對於有觀眾指在台慶看不到她感到不習慣，她笑言：「點會呀！（你有冇睇《男親女愛》重播？）瞓咗，我都想睇，有啲觀眾話播出時間好夜，但都捱夜睇，聽聞收視都唔錯，年輕一輩未睇過不妨睇吓，好多人睇完都話唔覺舊，仲係好好笑。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
