羅家英讚服飾設計顯身材
被問到對阿姐當晚黑絲襪造型的評價，他坦言該套服裝十分吸睛，更搞笑表示從遠處看竟產生了「錯覺」：「件衫好靚啊！件衫顯得佢好瘦，唔知點解呢，平時唔係……平時好似冇咁瘦囉！可能件衫嘅款同埋顏色，喺咁遠睇，覺得條腰係好纖腰。」被問到阿姐是否事前特意修身造勢，家英哥則笑言：「冇啊，冇修身啊。」
逾20年未見性感打扮 現場睇到「哇」一聲
汪明荃當晚在台上與古天樂大跳熱舞，表現活力十足。家英哥透露阿姐平時在家不會這樣穿，亦不會跟他跳舞。談到究竟有多久沒見過妻子穿黑絲襪等性感造型時，家英哥想了想說：「都好耐啦，唔知有冇10年呢，20年啊！平時佢上台唱歌都係著禮服、著長衫，好少著短，今次著呢款都應該十幾二十年冇著過，差不多」
家英哥更爆料自己當晚看到阿姐的造型時，第一時間感到極度驚艷，即時發出「哇」一聲！對於好友譚詠麟早前笑言家英哥看到阿姐的黑絲造型後「應該流晒口水」，家英哥亦幽默反擊：「佢咁講啊？可能佢流口水啊！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
